HEADS UP

Sigur Rós @ Greek Theatre Thu 10/2

Ticket pre-sale this morning, Thursday, June 26 at 10 am.

General ticket on-sale this Saturday, June 28 at 10 am.

Gagnrýnendur lofa Sigur Rós

Sigur Rós ! Nýjasta plata Sigur Rósar, Með suð í eyrum við spilum endalaust, kemur formlega út í dag, en í nokkurn tíma hefur verið hægt að hlusta á hana á heimasíðu hljómsveitarinnar.

Dómar um hana hafa þegar birst í nokkrum erlendum blöðum og eru gagnrýnendur mjög hrifnir af plötunni sem þykir talsvert frábrugðin fyrri verkum Sigur Rósar.

Gagnrýnandi breska dagblaðsins Guardian segir hana sólargeisla úr óvæntri átt og andrúmsloftið á henni hlýtt og gleðilegt. Hann lofar sérstaklega lagið „Ára bát“ sem hann segir metnaðarfyllstu tónsmíð sveitarinnar frá upphafi.

Gagnrýnandi Independent er sömuleiðis jákvæður og segir plötuna aðgengilegri en fyrri plötur. „Þessi fimmta plata hljómsveitarinnar inniheldur, sumum heitum aðdáendum hennar til mikillar skelfingar, nokkur lög sem hægt væri að kalla popplög,“ segir hann og lýkur máli sínu á þessum orðum. „Það klingir ekki lengur í álfabjöllum hjá Sigur Rós, en það gæti farið að klingja í peningakössum þeirra í staðinn.“